الفوركس؟ ماهو ؟ ونصائح لدخول عالم الفوركس

تعبت من قعده النت من غير فائده؟؟؟
مقضى اليوم كله فى الشات وعلى الفيس بوك وفى الاخر مكسبتش منه ولا نكله؟
زهقت من البطاله والقعده من غير مليم فى جيبك؟
عايز تبقى غنى فحت؟
نفسك يبقى معاك دولارات بالهببولى ؟
سمعت كتير عن الفوركس بس متعرفش ايه هوا؟
طيب خليك معايا واحده واحده وهتفهم كل حاجه ان شاء الله

مبدئيا كدا عشان تبقى عارف معنى كلمه فوركس او التجاره بالذهب
الفوركس ياسيدى هو سوق نقدى لا يتوقف ويتم فيه المتاجره بالعملات العالميه وعاده بيكون من خلال السماسره .. نظام بيع واشترى العملات الاجنبيه فى وقت واحد فى السوق المحلى او العالمى واستثمارات التجار بتزيد او تقل حسب تحركات العمله و قد تختلف أحوال سوق الصرف تتغير في أي وقت في الاستجابة إلى الأحداث في الوقت الحقيقي

طبعا مفهمتش حاجه
مش مشكله
خليك معايا فى اللى جاى فى شويه نصايح غاليه اوى فى سوق الفوركس بس هتفيدك فى خلال تجربتك مع الفوركس
1: سوق الفوركس فى بدايته محتاج منك جهد ووقت كبير عشان تاخد خبره وتتعلم وتمارس وتتابع السوق
1: فى سوق الفوركس ممكن تحقق ارباح كبيره جدا متتوقعهاش وصعب انك تحققها فى اى مجال تانى بس الكلام دا فى حاله انك التزمت بقواعد السوق وفهمته كويس ودخلت دماغه وعرفت تتعامل معاه
بس فى نفس الوقت فى نسبه مخاطره لو ملتزمتش بالقواعد بتاعت السوق او معرفتش تحلل السوق كويس او معرفتش تدير الحساب بتاعك بالكفاءه المطلوبه كل دا هيؤدى الى الخساره
3: طيب انت دلوقتى قريت النقطه رقم اتنين فقلقت شويه . لا هقولك ان فى ميزه انك ممكن تتدرب على حساب تجريبى او وهمى (demo ( يعنى حساب برصيد وهمى وهو حساب زى اللى فى الحقيقه بالضبط بس طبعا بدون ارباح فى العالم الحقيقى الهدف منه هو التدرب على السوق واستخدام برامج التداول وطرق التداول فى السوق عشان تعرف اهل انت فعلا تقدر تدخل السوق؟ ولا لسه لازملك شويه تدريب
4: اهم ميزه انك ممكن تفتح حساب ب 250 دولار فقط يعنى ممكن اى حد يدخل السوق بكل بساطه وسهوله وسبب وجود الميزه دى هو ان السوق بيعتمد فى التداول على نظام الهامش يعنى تقدر تتاجر بأضعاف راس المال اللى انت فتحته والحساب دا لو محققش ارباح كبيره فهو هيبقى او يعتبر مرحله من مراحل التدريب على العمل على الحسابات الحقيقيه
5: سوق الفوركس محتاج وخصوصا فى بدايته الصبر وعدم الاستعجال خلال المده اللى هتتدرب فيها على الحساب التجريبى وتطبق اللى انت اتعلمته على الشارت اللى هو الرسم البيانى ويفضل انك تفضل تتدرب على الحساب التجريبى مده لا تقل عن ست شهور ومتدخلش كمان عالم الفوركس الا اما تحقق ارباح على الحساب التجريبى
6: اهم شىء ان حسابك يكون مع شركه عالميه ومعروفه وتكون خدمتها جيده بالاضافه للتكلفه القليله
7: اهم حاجه نفسيتك فى التعامل مع السوق . يعنى ماتكونش لا خواف اوى ولا طماع اوى لان الخوف ممكن يخليك تنسحب من صفقات عشان بس انت خايف انك تخسر على عكس ناس تانيه ممكن تدخل فى صفقات هيا مش قدها عشان تعظم الربح بتاعها وتطمع يعنى وفى الاخر بتنزل على مفيش او يخليه يدخل فى صفقات كتيره عشان يحقق اعلى ربح فى اقل وقت وبالتالى هيبقى زى اللى طارد اكثر من عصفور فى نفس الوقت
8:اداره راس المال مهمه جدا لانك لو فشلت فى اداره راس المال هتؤدى بيك الى خسائر كبيره اما الاداره الجيده هتؤدى الى زياده الارباح والحفاظ عليها يعنى ممكن اتنين يدخلو نفس الصفقه بنفس الاستراتيجيه بس واحد يكسب والتانى يخسر عشان فى واحد عنده استراتيجيه كويسه فى اداره راس المال والتانى لآ
10: مرارا وتكرارا لازم الحساب التجريبى تجرب عليه كل استراتيجياتك قبل ماتدخل فى العالم الحقيقى وبرضه لما تدخل العالم الحقيقى برضه لازم الحساب التجريبى

بكدا خلصنا تعريف الفوركس وشويه نصايح
نلتقى قريبا فى الشغل التقيل بقى