Posts
بسم الله الرحمن الرحيم
كتير من الناس لاحظتهم مهتمين اوى بتجميع نقاط فى موقع e-castig
والحقيقه المره انا كنت واحد منهم :d
فكره الموقع انك تسجل بأيميلك وتختار جائزتك من الاربعه اللى فى الصوره فوق وكل جايزه او هديه ليها عدد من النقط معين لما تجمعه تكسب الهديه بعد الجوله ماتخلص والجوله غالبا مدتها شهر ولما تسجل بتاخد لينك لما حد يدخله بس بيتحسبلك نقطه ... جميل .. طيب هل هو موقع ذو مصداقيه .. محدش يعرف
بس هنعرف مع بعض دلوقتى يعنى انا طبعا طلبت جائرتى تبقى لاب توب ودى كان مطلوب فيها 3000 نقطه انا جمعت منهم 4000 يعنى داخل بزياده كمان :)
طيب هل كسبت؟ بالتأكيد لا
طيب دلوقتى حد هيسئل ويقول انا دخلت الموقع ولقيت فيه winners واسامى مكتوبه
يبقى له مصداقيه اهو
طيب ركز معايا عشان هنثبت العكس
دلوقتى انت سمعت عن الموقع دا قبل كدا ولا لسه جديد على ودنك اكيد لسه جديد على ودنك لانه مبقالوش شهرين او تلاته بالكتير
طيب ثانيا انت لما جيت سجلت هل بعتولك تفعيل على الايميل او تأكيد او اى حاجه
اكيد لا . طيب ثانيا هل الموقع معروف عنه اى حاجه ولا مجهول ؟
اكيد مجهول والاكيد ان بدايته زى بدايه كل شركات النصب
طيب فى حاجه مهمه جدا فى الشركات الربحيه ان بيبقى ليها منتدى
ودى خاصيه مش موجوده فى الموقع دا
طيب والاسامى دى؟ جت منين ؟؟ هقولك اسامى راندوم يعنى عشوائيه او بمعنى اصح متألفه من دماغهم عشان اللى زينا يدخل ويشوف الاسامى يقول الله دا فى ناس بتكسب اهى اما اخش واكسب انا كمان
مش مصدق لسه؟
طيب ادخل على جروبات الفيس بوك او اعمل سيرش على جوجل وهاتلى واحد بس كسب
اظن النقطه وصلت
الى اللقاء فى نصبات اخرى
No comments:
Post a Comment